Өглөө 08:00 цагт шинэ Чингис Хаан нисэх онгоцны буудалд цуглана.

Бүртгэлээ хийлгээд МИАТ компанийн шууд нислэгээр өглөөний 10:10 цагт Тайланд улсыг зорин нисч орон нутгийн цагаар 16:15 цагт Пукетийн ОУ-ын нисэх онгоцны буудалд газардана.

Хилээр нэвтэрч, ачаа тээшээ авсны дараа биднийг хөтөч маань угтан авч автобусандаа суугаад Пукетийн хамгийн алдартай далайн эргийн амралтын бүс болох Патонг (Patong beach) эрэгт байрлах 5 одтой зочид буудалдаа ирж амарна.

Өглөөний цайны дараа бид Пукет хотын аяллаа эхэлнэ.

Пукет арлын хуучин дүүрэгээр зочилно. Хятад, Европын хэв маягийн архитектур, пастел өнгө бүхий хуучны барилга байгууламж, жижиг кафе, ресторан, бэлэг дурсгалын дэлгүүр олонтой нарийн гудамжаар алхах нь жуулчдын сонирхлыг ихээр татдаг.

Патонг, Карон, Ката, Равай зэрэг далайн эргүүдийг дайран өнгөрөх далайн эргийн замаар Карон пойнтын Карон пойнтын зүг аялахдаа арлуудын байгалийн үзэсгэлэнт газруудыг харна.

Үзэсгэлэнт Пукет арлыг бүхлээр нь уулын оргилоос харна.

Жуулчид болон мөргөлчдийн урсгал тасардаггүй Пукетийн хамгийн алдартай буддын шашны сүм Ват Чалонг.

Их Будда буюу 45м өндөр Маравижая Буддагийн цагаан гантиг хөшөө цогцолбор

Төрөл бүрийн эрдэнийн чулуу, шүр сувдан эдлэл бүхий үнэт эдлэлийн төв Жем галерейд зочлох.

Өнөөдөр чөлөөт амралтын өдөр ба та өөрийн хүсэл, сонирхлоороо зочид буудалдаа болон далайн эргийн наран шарлагын газарт амрах, далайн эргээр алхах, Пукетийн төвийн худалдаа, үйлчилгээний газруудаар хэсэх зэргээр өдрийг өөрийн хүссэн зүйлээ хийж өнгөрөөх боломжтой. Мөн та бүхэн Пукетийн шөнийн гудамж болох Бангла гудамжаар зочлоорой.

Өглөөний цайны дараа байгалийн өвөрмөц тогтцоороо алдартай, далайн уснаас эгц дээш цухуйсан шохойн чулуун хадан хясаан 142 ширхэг арал бүхий үзэсгэлэнт Панг На (Phang Nga Bay) байгалийн цогцолборт газарлуу хурдны завиар явна.

Арлаас арал руу очиж үзэх зүйлсийн эхэнд Холливудын алдарт цуврал Жэймс Бондын Алтан буутай хүн (Man with the golden gun) киноны зураг авалтын нэг хэсгийг хийсэн арал юм.

Дараагийн аралд 2 далайн усанд идэгдэж үүссэн, сарьсан багваахайнуудын харанхуй агуйгаар аялна. Өдрийн хоолоо Андаманы тэнгист байрлах Муслимуудын сууринд идээд далай доорх уулсын орой гэмээр байгалийн сонин тогтоц бүхий хадан хөндийнүүдийн доогуур хөнгөн завиар сүлжиж аялна.

Пукет рүү буцаж ирээд зочид буудалдаа хүргүүлж амарна.

Энэ өдөр бид Панг На -н хамгийн үзэсгэлэнт 5 арлыг үзээд буудалдаа ирж амарна.

Өнөөдөр чөлөөт амралтын өдөр ба та өөрийн хүсэл, сонирхлоороо зочид буудалдаа болон далайн эргийн наран шарлагын газарт амрах, далайн эргээр алхах, Пукетийн төвийн худалдаа, үйлчилгээний газруудаар хэсэх зэргээр өдрийг өөрийн хүссэн зүйлээ хийж өнгөрөөх боломжтой.

Өнөөдөр бид бүтэн өдрийн турш Андаманы тэнгисийн сувд гэгдэх Пи Пи арлаар аялна.

Пи Пи Лей, Пи Пи донг хэмээх 2 тусдаа арлын орчимд бидний энэ өдрийн аялал үргэлжилнэ.

Бидний зочлох тунгалаг уст Пи Пи арал нь Андаманы тэнгисийн хамгийн үзэсгэлэнтэй арал бөгөөд Дэлхийн алдартай снорклинг болон усанд шумбалт хийдэг газруудын нэг юм. Пи Пи арлын тунгалагаас тунгалаг усанд бид зориулалтын нүдний шил, амьсгалын гуурстайгаар сэлж, өнгө өнгийн, төрөл бүрийн загас, жараахай, далайн эргийн ёроолын амьдралыг ажиглан харна.

Маяа булан (Maya Bay) нь Леонардо Дикаприогийн тоглосон "The Beach" киногоор дэлхийд танигдсан, зөөлөн цагаан элстэй наран шарлагын газар, асар том шохойн хад, шүрэн хадаар хүрээлэгдсэн далайн үзэсгэлэнт булан юм.

Кох Хай арал нь номин цэнхэр тунгалаг устай бөгөөд аялагч, амрагчид усанд сэлэх, шумбах, наран шарлагын газар наранд биеэ шарах боломжтой.

Өнөөдөр бид Пукетийн шинэхэн нээгдсэн хамгийн том Усан Парк Андаманда дээр бүтэн өдрийг амарч, зугаацаж өнгөрөөнө. Хүүхэд болон насанд хүрэгчдэд зориулсан олон янзын усан гулгуур байдгаас гадна нялх хүүхдийг зугаацуулах талбай хүртэл байдаг.

Энэхүү асар том цэцэрлэгт хүрээлэн нь 100,000 м2 талбайг хамардаг ба 10,000 м.кв талбайтай хиймэл долгионтой усан сан, Зүүн Өмнөд Азийн хамгийн урт цэцэрлэгт хүрээлэнгээр урсах хиймэл гол (550 метр!), 300м үргэлжлэх наран шарлагын талбай гэх мэт сонирхолтой зүйлс олонтой.

Оройн хоолоо идээд буудалдаа ирж амарна.

Өглөөний цайны дараа бид өрөөгөө хүлээлгэн өгөөд 12:00 цагт нисэх буудалруу хөдөлнө.

15:00 цагт бүртгэлээ хийлгэн Улаанбаатарын чиглэлд 17:45 цагт ниснэ.

Улаанбаатарын шинэ нисэх буудалд шөнийн 01:35 цагт газардана.