Гантиган сүм нь 1994-2007 оны хооронд баригдсан бөгөөд 2007 оны 12-р сард нээлтээ хийсэн. Барилгын цогцолбор нь 12га гаруй талбайг хамарч, ойролцоогоор 290х420м хэмжээтэй. Уг төслийг АНЭУ-ын ерөнхийлөгч Шейх Зайед бин Султан Аль Нахайян эхлүүлсэн бөгөөд тэрээр Исламын ертөнцийн соёлын олон янз байдлыг архитектур, урлагийн түүхэн болон орчин үеийн үнэт зүйлстэй нэгтгэх бүтцийг бий болгохыг хүссэн юм.

Энэхүү сүм нь 82 цагаан гантиг бөмбөгнөөс бүрдэх бөгөөд хамгийн том нь алтан хавирган сараар титэмлэгдсэн, үлдсэн хэсэг нь хурц алтан шонгоор титэмлэгдсэн байдаг. Дотор коридор, өрөө, хашааг гантиг цэцэг (цахилдаг, сараана, алтанзул цэцэг), үнэт чулуу, 24 каратын алтаар чимэглэжээ. Энэ гайхалтай ариун газар нь шашны итгэл үнэмшлээс үл хамааран хүн бүрт нээлттэй байдаг. Ихэвчлэн лалын шашинтны сүмүүд жуулчин нэвтрэхийг зөвшөөрдөггүй ч Абу Дабид байдаг Шейх Зайедийн гранд сүм, Дубай дахь Жумейра хотын гранд сүм нь энэ дүрмээс үл хамаарах аж.

Орохдоо газар доорхи хонгилд бүх зочид металл хайгчаар дамжин өнгөрч, шаардлагатай бол аюулгүй байдлын шалгалт хийдэг. Өрөөнүүдийн янз бүрийн хэсэгт эмэгтэйчүүд, эрэгтэйчүүдийг хувцаслалтыг шалгадаг ба шаардлагатай бол эмэгтэйчүүдийг тусгай өрөөнд орж хувцас солихыг шаарддаг. Зочдын хувцас нь шаардлага хангахгүй бол (өвдөг, хөл, тохой нь нээлттэй, толгойдоо ороолт байхгүй) оруулдаггүй. Барилгын хойд газар дорхи жигүүрт бэлэг дурсгалын дэлгүүр, кафе байдаг бөгөөд та зууш идэж, жинхэнэ тэмээний сүүгээр хийсэн зайрмаг амтлах боломжтой.