Сиам усан парк нь Тайланд улсын анхны бөгөөд хамгийн том усан парк юм. Хүүхэд, насанд хүрэгчдэд зориулсан олон янзын усан гулcуур байдгаас гадна нялх хүүхэд ч тоглон наадах талбай хүртэл байдаг. 1980 оны 11-р сард Бангкок хотын Хан На Яо дүүрэгт байгуулагдсан бөгөөд Зүүн Өмнөд Азийн хамгийн эртний усан паркийн цогцолбор хэвээр байна. Бангкокийн Суварнабуми нисэх онгоцны буудлын ойролцоо байрлах ба нийт 100 га газар хамран усан парк ба зугаа цэнгэлийн парк гэсэн 2 хэсгээс бүтнэ. Усан парк нь 2009 онд Гиннесийн амжилтын номонд бүртгэгдсэн дэлхийн хамгийн томд тооцогдох 13,600 метр квадрат давалгаат усан сантай.